Adil Babayev adına Naxçıvan Muxtar Respublika Uşaq Kitabxanası 1935-1965-ci illər ərzində Naxçıvan şəhər kitabxanasının tərkibində uşaq şöbəsi kimi fəaliyyət göstərmişdir. Azərbaycan SSRİ Nazirlər Sovetinin 1964-cü il 26 sentyabr tarixli 674 №li, Naxçıvan MSSR Nazirlər Sovetinin 9 oktyabr 1964-cü il tarixli 330 №li qərarlarına əsasən Naxçıvan Muxtar Respublika Uşaq Kitabxanası yaradılmış və 1965-ci il yanvar ayından fəaliyyətə başlamışdır. Kitabxana Naxçıvan Muxtar Respublikasında fəaliyyət göstərən uşaq kitabxanaları, MKS-lərin uşaq şöbələri və həmçinin ümumtəhsil məktəblərinin kitabxanalarının fəaliyyətinə əməli və metodiki köməklik göstərmək, eyni zamanda uşaq və gənclərə kitabxana xidməti göstərir. Kitabxanaya 1978-ci ilin iyul ayından şair, publisist Adil Babayevin adı verilmişdir. 2022-ci ildə A.Babayev adına Naxçıvan Muxtar Respublika Uşaq Kitabxanası yeni bina ilə təmin olunmuşdur.
Kitabxanada 50 yerlik tədbir zalı, 2 oxu zalı yerləşir. Binada 11 komputer və elektron lövhə quraşdırılmışdır. Fondunda 162 min 818 nüsxə çap məhsulu olan kitabxananın 11 mindən çox oxucusu var. Kitabxananın fondunda Azərbaycan, rus, ingilis və sair dillərdə ədəbiyyat nümunələri vardır.
Ünvan: Naxçıvan şəhəri, Həsən Əliyev küçəsi
Tel: (+99436) 545-48-03; 545-43-38