Mədəniyyət üzrə Elmi-Metodik Mərkəz Azərbaycan Respublikası Nazirlər Sovetinin 1979-cu il 16 aprel tarixli qərarına və Azərbaycan Respublikası Mədəniyyət Nazirliyinin 1979-cu il 24 avqust tarixli əmrinə əsasən 1980-ci ildə yaradılmışdır.
Mərkəzin əsas fəaliyyət istiqamətləri, əsas etibarilə, muxtar respublika miqyaslı mədəni-kütləvi tədbirlərin keçirilməsinin təşkilindən, xalq yaradıcılığının növ və janrlarının təbliğindən, bədii-özfəaliyyətin bütün növ və janrları üzrə ictimai, eləcə də muxtar respublika üzrə baxış-müsabiqələrinin təşkili və keçirilməsindən, xalq yaradıcılığı istiqaməti üzrə istedadlı insanların aşkar edilməsindən, milli dəyərlərimizin qorunması və gənc nəslin milli vətənpərvərlik ruhunda tərbiyəsi işinə töhfə verməkdən ibarətdir. Bu məqsədlə Mərkəz muxtar respublikada mövcud olan xalq teatrlarının, mədəniyyət evləri və klubların fəaliyyətinə nəzarət edir, həmin mədəniyyət müəssisələrinin inzibati və yaradıcı işinə əməli və metodik köməkliklər göstərir.
Bundan başqa, qloballaşma prosesində milli və mədəni dəyərlərimizin qorunması və yaşadılması istiqamətində tədbirlərin təşkili, Xalq yaradıcılığı günlərinin keçirilməsi, folklor nümunələrinin tədqiqi məqsədilə elmi araşdırmaların aparılması işi də Mərkəzin fəaliyyət istiqamətlərindəndir.
Ünvan: Naxçıvan şəhəri, Heydər Əliyev Prospekti 1,
Heydər Əliyev Sarayı, 3-cü mərtəbə
Telefon: (+994 36) 545-02-57