Şahbuz Rayon Tarix-Diyarşünaslıq Muzeyi 1982-ci ildən fəaliyyətə başlamışdır. Muzey iş otaqları, fond otaqları və ekspozisiya zalından ibarətdir. Burada xalqımızın tarixini, mədəniyyətini, adət-ənənələrini və incəsənətini əks etdirən milli mədəniyyət nümunələri mühafizə olunur. Muzeyin fondunda 5000-ə yaxın eksponat qorunub saxlanılır ki, onlardan 500-dən çoxu ekspozisiyada nümayiş olunur. Ekspozisiya zalında Şahbuz bölgəsində aparılmış arxeoloji qazıntılar zamanı əldə edilmiş sümük, əqiq və tuncdan hazırlanmış bəzək əşyaları, ox ucluğu, xəncərlər, gil qab nümunələri, XVIII-XIX əsrlərə aid mis məişət əşyaları, yerli sənətkarlar tərəfindən nəfis tərtibatla hazırlanmış xalçaçılıq məmulatları, numizmatika nümunələri, rəsm əsərləri, milli musiqi alətləri, müxtəlif fotoşəkillər və digər dəyərli eksponatlar nümayiş olunur.
2021-ci ilin avqust ayında Şahbuz Rayon Tarix-Diyarşünaslıq Muzeyinin yeni binası istifadəyə verilib.
Ünvan: Şahbuz şəhəri, Heydər Əliyev prospekti
Tel: (+99436) 543-02-98