Naxçıvan şəhəri, AZ 7000, Heydər Əliyev prospekti-1.

Xalqımızın incəsənət, mədəniyyət sahəsindəki nailiyyətləri vətənini, millətini sevən hər bir azərbaycanlı üçün iftixar mənbəyidir.

Heydər Əliyev

Naxçıvan mühiti Şərq mədəniyyətini Qərb mədəniyyəti ilə bağlamaqla, bunun sintezini yaratmaqda böyük rol oynamışdır.

Heydər Əliyev

Mədəniyyət – bəşəriyyətin topladığı ən yaxşı nümunələrlə xalqları zənginləşdirir.

Heydər Əliyev

Yüksək mədəniyyətə malik olan xalq həmişə irəli gedəcək, həmişə inkişaf edəcəkdir.

Heydər Əliyev

Azərbaycan mədəniyyəti öz milliliyini saxlayaraq, bu zəmin əsasında klassik mədəniyyət səviyyəsinə gəlib çatmışdır.

Heydər Əliyev

Xalq bir çox xüsusiyyəti ilə tanınır, sayılır və dünya xalqları içərisində fərqlənir. Bu xüsusiyyətlərdən ən yüksəyi, ən böyüyü mədəniyyətdir.

Heydər Əliyev

Mədəniyyəti inkişaf etdirmək milli ruhu yaşatmaq deməkdir.

Heydər Əliyev

Naxçıvanın böyük və zəngin tarixi vardır. Bu tarixin dünya mədəniyyətinə, bəşər mədəniyyətinə böyük töhfələri olmuşdur.

Heydər Əliyev

Hər bir xalqın mədəni irsi onun milli sərvəti, tarixi və bu günüdür.

Heydər Əliyev

Xalqımızın milli mədəniyyəti bu günümüzə dözümlülüklə çatdırılmışdır. Bu mədəniyyət başqa xalqlara göstərir ki, o içinə qapılmış, özünü dünyadan tədric etmiş xalqın yox, dünyaya açıq bir xalqın mədəniyyəti olmuşdur.

Heydər Əliyev

Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

Heydər Əliyev

“21 Fevral Beynəlxalq Ana Dili Günü” münasibətilə tədbir keçirilib

Naxçıvan Muxtar Respublikası Mədəniyyət Nazirliyinin təşkilatçılığı ilə Məmməd Səid Ordubadi adına Naxçıvan Muxtar Respublika Kitabxanasında “21 Fevral Beynəlxalq Ana Dili Günü” münasibətilə tədbir keçirilib.
Tədbiri giriş sözü ilə Naxçıvan Muxtar Respublikası Mədəniyyət Nazirliyi Aparatının baş məsləhətçisi Aygün Heydərli açaraq qeyd edib ki, 1999-cu ilin noyabrında Banqladeş səfirinin təşəbbüsü ilə UNESCO tərəfindən fevralın 21-i Beynəlxalq Ana Dili Günü elan edilib. Dil hər bir millətin kimliyini, mədəniyyətini və tarixi mirasını yaşadan ən böyük dəyərlərdən biridir. Hər bir insan öz ana dilini yaxşı bilməli və onu qorumalıdır.
Filologiya üzrə elmlər doktoru, professor Sədaqət Həsənova “Dilimiz milli kimliyimizidir”, AMEA Naxçıvan Bölməsinin İncəsənət Dil və Ədəbiyyat İnstitutunun Ədəbiyyatşünaslıq şöbəsinin müdiri, filologiya üzrə fəlsəfə doktoru, dosent Ramiz Qasımov “Dilimizin sərhədləri dünyamızın sərhədləridir” və Naxçıvan Muxtar Respublikası Yazıçılar Birliyinin sədri, Azərbaycan Respublikasının Əməkdar mədəniyyət işçisi Asim Əliyev “Ən böyük milli dəyərimiz- Ana dilimiz” adlı mövzularla çıxış edərək bildirblər ki, dünyada 7102 dil mövcuddur. Onlardan ən qədimi türk dilləri ailəsinə məxsusdur. Dil nə qədər zəngindirsə onun sərhədləri bir o qədər əhatəli və genişdir. Oğuz dil qrupuna aid edilən Azərbaycan dili neçə əsrlərdir ki, milli-mənəvi varlığını, mövcudluğunu qoruyub saxlayır. Ana dilimizin hərtərəfli inkişafı və beynəlxalq aləmdə tanınması Ulu Öndər Heydər Əliyevin adı ilə bağlıdır. Məhz Ulu Öndərin qətiyyətli siyasəti sayəsində dövlət dilinin inkişafı ilə bağlı bir sıra mühüm dövlət proqramları və “Azərbaycan Respublikasının dövlət dili haqqında” Qanunu qəbul edilib. Bu istiqamətdə görülən işlər və atılan addımlar dilimizin inkişafına böyük təsir göstərib.
Sonra Naxçıvan Muxtar Respublikası Yazıçılar Birliyinin üzvlərindən Yadulla Zaman, Alməmməd Eldaroğlu, Tofiq Qəbul Azərbaycan dilinə həsr etdikləri şeirləri səsləndirib.
Sonda “Beynəlxalq Ana Dili Günü” adlı sərgiyə baxış olub.