Muzey əməkdaşlarının peşə biliklərinin artırılması məqsədi ilə Naxçıvan Muxtar Respublikası Mədəniyyət Nazirliyinin təşkilatçılğı ilə Naxçıvan Dövlət Rəsm Qalereyasında növbəti seminar-treninq keçirilib. “Təsviri sənət əsərlərinin uçot-mühafizəsi və onlara uçot nişanının vurulması qaydaları” mövzusunda təşkil edilmiş seminar treninqi giriş sözü ilə Naxçıvan Muxtar Respublikası Mədəniyyət Nazirliyinin Aparatının baş məsləhətçisi Qumral Əsədova açaraq qeyd edib ki, muxtar respublikamızda fəaliyyət göstərən 30-dan çox muzey və muzeytipli müəssisədə müxtəlif dövrlərə aid təsviri sənət nümunələri xalqımızın hələ qədim dövrlərdən yüksək mədəniyyət və sənətkarlığa malik olduğundan xəbər verir. Muzeylərin fondlarına daxil olan bütün eksponatlar kimi təsviri sənət əsərlərinin də uçot-mühafizəsinin müvafiq təlimatın tələblərinə uyğun aparılmasına xüsusi diqqət göstərilir.
Sonra mövzu ilə bağlı Naxçıvan Dövlət Rəsm Qalereyasının baş fond mühafizi-elmi işçisi Hüseyn Əhmədov çıxış edərək bildirib ki, muzey fondlarına daxil olan təsviri sənət nümunələrindən ibarət eksponatlar öz qədimliyi və estetik görünüşü ilə tamaşaçıların diqqətini hər zaman cəlb etmişdir. Bu eksponatlar sırasında xalqımızın zəngin toxuculuq mədəniyyətindən xəbər verən xalçalar və xalçaçılıq nümunələri, milli geyim nümunələri, boyakarlıq və heykəltaraşlıq nümunələri, silahlar, dekorativ tətbiqi sənət nümunələri, fotoqrafiya və s. olaraq qruplaşdırılır. Onların uçot-mühafizəsi “Azərbaycan Respublikası Muzey Sərvətlərinin və Muzey Kolleksiyasının uçotu və mühafizəsinə dair Təlimat”da müvafiq maddələrdə göstərilən qaydalara uyğun həyata keçirilir, onlara uçot nişanı vurularkən xüsusi qaydalara əməl olunur. Uçot nişanı bir qayda olaraq rəsm əsərlərində çərçivənin yuxаrı, yаxud аşаğı tаxtаsının sol küncündə boyа ilə yаzılır. Heykəltərаşlıq əsərlərində (аğаc, mərmər, metаl) nömrələr əşyаnın аrxа tərəfində, kürslüyün аşаğı sol küncundə minаlı (şirli) və yа yаğlı boyа ilə yаzılır. Pаrçаlаrın аstаr üzünə аçıq rəngli möhkəm pаrçаdаn (kolenkor, kətаn) hаzırlаnаn, üzərinə ştаmp və nömrə vurulаn etiketlər tikilir. Bu eksponatların mühafizə vəziyyəti mütamədi olaraq nəzarətdə saxlanılır, onların konservasiyasına və bərpasına dair tədbirlər görülür.
Seminar-treninqin sonunda iştirakçıların sualları cavablandırılıb, müzakirə olunan məsələ ilə bağlı nümunələr əyani göstərilib.
Sonda qalereyanın ekzpoziyasına baxış keçirilib.
Naxçıvan Muxtar Respublikası
Mədəniyyət Nazirliyinin mətbuat xidməti
13.07.2023