28 iyun tarixində C.Məmmədquluzadə adına Naxçıvan Dövlət Milli Dram Teatrında 2024-2025-ci il teatr mövsümünün bağlanış mərasimi keçirilib
Tədbirin açılış nitqində çıxış edən teatrın direktoru və baş rejissoru Mir Qabil Əkbərov ötən teatr mövsümü ilə müqayisədə 2024-2025-ci il teatr mövsümünün daha məhsuldar keçdiyini qeyd edib. Sonra isə S.Bekketin "Qodonun intizarında" əsəri əsasında hazırlanan absurd tamaşası təqdim olunub.
Tamaşadan sonra teatrın həyata keçirdiyi "Teatr çələngi" adlı layihədə iştirak edən xalq teatrları və müxtəlif yaradıcı kollektivlər də xüsusi qeyd olunub. Teatr mövsümündə fəal iştirak edən yaradıcı, texniki heyyətə və teatrın inkişafına xüsusi dəstək verdiyi üçün "Naxçıvan Xəbərləri" informasiya agentliyinə təşəkkürnamə təqdim olunub.
Tədbirdə çıxış edənlər 2024–2025-ci il teatr mövsümündə nümayiş olunan tamaşaların uğurla qarşılandığını vurğulayaraq regionlarda teatr fəaliyyətinin gücləndirilməsi istiqamətində görülən işlərə diqqət çəkiblər