22 iyul – Azərbaycan Milli Mətbuatının 151 illiyi münasibətilə Naxçıvan Muxtar Respublikası Mədəniyyət Nazirliyinin Mətbuat və ictimaiyyətlə əlaqələr üzrə əməkdaşı Məmməd Hüseynli səmərəli və peşəkar fəaliyyətinə görə Nazirliyin Fəxri Fərmanı ilə təltif olunub.
Məmməd Hüseynli göstərilən yüksək etimada görə minnətdarlığını ifadə edərək, bu təltifin onun üçün böyük məsuliyyət yaratdığını bildirib. O vurğulayıb ki, bundan sonra da mədəniyyət sahəsində həyata keçirilən layihə və tədbirlərin ictimaiyyətə operativ, dolğun və obyektiv şəkildə çatdırılması, dövlət informasiya siyasətinin prinsiplərinə uyğun fəaliyyətin davam etdirilməsi istiqamətində öz vəzifələrini məsuliyyətlə yerinə yetirəcək.