Naxçıvan şəhəri, AZ 7000, Heydər Əliyev prospekti-1.

Xalqımızın incəsənət, mədəniyyət sahəsindəki nailiyyətləri vətənini, millətini sevən hər bir azərbaycanlı üçün iftixar mənbəyidir.

Heydər Əliyev

Naxçıvan mühiti Şərq mədəniyyətini Qərb mədəniyyəti ilə bağlamaqla, bunun sintezini yaratmaqda böyük rol oynamışdır.

Heydər Əliyev

Mədəniyyət – bəşəriyyətin topladığı ən yaxşı nümunələrlə xalqları zənginləşdirir.

Heydər Əliyev

Yüksək mədəniyyətə malik olan xalq həmişə irəli gedəcək, həmişə inkişaf edəcəkdir.

Heydər Əliyev

Azərbaycan mədəniyyəti öz milliliyini saxlayaraq, bu zəmin əsasında klassik mədəniyyət səviyyəsinə gəlib çatmışdır.

Heydər Əliyev

Xalq bir çox xüsusiyyəti ilə tanınır, sayılır və dünya xalqları içərisində fərqlənir. Bu xüsusiyyətlərdən ən yüksəyi, ən böyüyü mədəniyyətdir.

Heydər Əliyev

Mədəniyyəti inkişaf etdirmək milli ruhu yaşatmaq deməkdir.

Heydər Əliyev

Naxçıvanın böyük və zəngin tarixi vardır. Bu tarixin dünya mədəniyyətinə, bəşər mədəniyyətinə böyük töhfələri olmuşdur.

Heydər Əliyev

Hər bir xalqın mədəni irsi onun milli sərvəti, tarixi və bu günüdür.

Heydər Əliyev

Xalqımızın milli mədəniyyəti bu günümüzə dözümlülüklə çatdırılmışdır. Bu mədəniyyət başqa xalqlara göstərir ki, o içinə qapılmış, özünü dünyadan tədric etmiş xalqın yox, dünyaya açıq bir xalqın mədəniyyəti olmuşdur.

Heydər Əliyev

Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

Heydər Əliyev

Bəhruz Kəngərli Muzeyinin yaradılmasından 24 il ötür

Bu münasibətlə keçirilən tədbiri giriş sözü ilə muzeyin direktoru Səbinə Əlincəli açaraq, muzeylərin iş prinsipindən, missiyasından ətraflı bəhs etmişdir. Qeyd olunub ki, muzeylər ictimaiyyətin mədəni inkişafına təsir göstərməklə yanaşı mənəvi tərbiyəsinə də öz töhfəsini verir. Eyni zamanda, muzeylərin maarifləndirmə xüsusiyyəti də mədəniyyətin inkişafına, mədəni irsin qorunmasına xidmət edir. Bu mədəniyyət ocaqlarında müxtəlif mədəni-kütləvi tədbirlərin keçirilməsi, açıq və distant dərslərin keçirilməsi, sərgilərin təşkil olunması məhz bu prosesin ayrılmaz tərkib hissəsidir.
 
Vurğulanıb ki, ölkəmizdə muzey işinin təşəkkülü Ulu Öndər Heydər Əliyevin adı ilə bağlıdır. Ötən əsrin 70-ci illərindən Azərbaycanda muzey şəbəkəsinin inkişafı daha intensiv şəkil almış və 100-dən artıq muzey yaradılmışdır. Ulu Öndərin Azərbaycana rəhbərlik etdiyi birinci və ikinci dönəmlərində ölkəmizdə tarix-diyarşünaslıq muzeyləri, xatirə və ev muzeyləri təşkil edilmişdir. Muzeyin direktoru bildirib ki, Bəhruz Kəngərli Muzeyi Ulu Öndər Heydər Əliyevin xeyir-duası ilə fəaliyyətə başlayan muzeylərdəndir.  
 
Tədbirdə Naxçıvan Müəllimlər İnstitutunun dosenti, sənətşünas Nizami Alıyev “Bəhruz bəy Kəngərli irsinin tədqiqi” mövzusunda çıxış etmiş və Bəhruz bəy Kəngərlinin “Elçilik” adlı əsərinin fotoşəklini muzeyə təqdim etmişdir. Cəmşid Naxçıvanski Muzeyinin direktoru Abasət Nuriyev “Xatirə, memorial və ev muzeylərində muzey işinin təşkili”, Bəhruz Kəngərli Muzeyinin baş fond mühafizi-elmi işçisi Zümrüd Əhmədova “Bəhruz Kəngərli Muzeyinin fəaliyyəti” mövzularında çıxış etmişlər.
Tədbirin sonunda muzeyin ekspozisiyasına baxış keçirilmişdir.