14 oktyabr 1933-cü ildə Şahbuz rayonunun Nursu kəndində dünyaya gələn Məmməd Araz yaradıcılığı ilə Vətən, torpaq, milli yaddaş və azərbaycançılıq duyğularını poeziyamızın ən uca dəyərlərinə çevirib.
Ümummilli Liderimiz Heydər Əliyev Məmməd Arazın yaradıcılığına böyük ehtiram göstərib, şairin Azərbaycan ədəbiyyatındakı yerini və milli düşüncənin formalaşmasındakı rolunu daim yüksək qiymətləndirib.
Bu gün Azərbaycan Respublikasının Prezidenti cənab İlham Əliyev də Xalq şairinin yaradıcılığına yüksək dəyər verir, ədibin yubileyləri dövlət səviyyəsində qeyd olunur, zəngin irsinin yaşadılması və gələcək nəsillərə çatdırılması istiqamətində mühüm addımlar atılır.
Vətənpərvər şairin hər misrası onun dəyişməz amalını – Vətəni sevmək və ucaltmaq əzmini yaşadır:
Yazmışam hər şeyi könül naməmə, Bircə bu günahım bağışlanacaq. Neylədim – Vətəni sevmək naminə, Ucaltmaq naminə elədim ancaq...