Naxçıvan şəhəri, AZ 7000, Heydər Əliyev prospekti-1.

Xalqımızın incəsənət, mədəniyyət sahəsindəki nailiyyətləri vətənini, millətini sevən hər bir azərbaycanlı üçün iftixar mənbəyidir.

Heydər Əliyev

Mədəniyyət bəşəriyyətin topladığı ən yaxşı nümunələrlə xalqları zənginləşdirir.

Heydər Əliyev

Yüksək mədəniyyətə malik olan xalq həmişə irəli gedəcək, həmişə yaşayacaq, həmişə inkişaf edəcəkdir.

Heydər Əliyev

Azərbaycan mədəniyyəti öz milliliyini saxlayaraq, bu zəmin əsasında klassik mədəniyyət səviyyəsinə gəlib çatmışdır.

Heydər Əliyev

Xalq bir çox xüsusiyyəti ilə tanınır, sayılır və dünya xalqları içərisində fərqlənir. Bu xüsusiyyətlərdən ən yüksəyi, ən böyüyü mədəniyyətdir.

Heydər Əliyev

Mədəniyyəti inkişaf etdirmək milləti inkişaf etdirmək, xalqı sivilizasiyaya qovuşdurmaq, milli ruhu yaşatmaq deməkdir.

Heydər Əliyev

Naxçıvanın böyük və zəngin tarixi vardır. Bu tarixin dünya mədəniyyətinə, bəşər mədəniyyətinə böyük töhfələri olmuşdur.

Heydər Əliyev

Hər bir xalqın mədəni irsi onun milli sərvəti, tarixi və bu günüdür.

Heydər Əliyev

C.Məmmədquluzadə adına Naxçıvan Dövlət Milli Dram Teatrının 2026-cı il üçün repertuar planı təsdiq olunub

Teatrın yeni yaradıcılıq mövsümündə tamaşaçılara dünya və Azərbaycan dramaturgiyasının seçilmiş nümunələri təqdim ediləcək.
Təsdiqlənmiş repertuar planına əsasən, 2026-cı ildə teatr səhnəsində dörd mühüm əsərin səhnə həyatı nəzərdə tutulur. Mövsümün I rübündə dünya dramaturgiyasının ən möhtəşəm nümunələrindən biri olan Uilyam Şekspirin “Hamlet” faciəsi tamaşaçılara təqdim ediləcək. Hazırda tamaşanın son məşq mərhələsi davam edir və yaxın günlərdə əsərin premyerasının keçirilməsi planlaşdırılır. Teatrın yaradıcı heyəti tərəfindən böyük həvəslə hazırlanan bu səhnə əsərinin tamaşaçılar tərəfindən maraqla qarşılanacağı gözlənilir.
2026-cı ilin II rübündə Amerika ədəbiyyatının tanınmış nümayəndəsi Con Steinbekin “Siçanlar və adamlar” əsəri əsasında hazırlanacaq tamaşa səhnələşdiriləcək. İnsan talelərini, dostluq və ümid mövzularını özündə ehtiva edən bu əsərin səhnə həlli teatrsevərlərə fərqli və düşündürücü bir tamaşa təqdim etməyi hədəfləyir.
Mövsümün III rübündə isə Azərbaycan dramaturgiyasının klassik nümayəndəsi Əbdürrəhim bəy Haqverdiyevin “Pəri cadu” əsəri səhnəyə qoyulacaq. Milli dramaturgiyanın ən maraqlı və dərin məzmunlu əsərlərindən biri olan bu tamaşa yeni quruluşda tamaşaçılara təqdim ediləcək.
2026-cı ilin IV rübündə isə dünya dramaturgiyasının klassik nümunələrindən sayılan Sofoklun “Tiran Edip” faciəsi teatrın repertuarına daxil ediləcək. Antik dramaturgiyanın ən məşhur əsərlərindən biri olan bu səhnə əsəri insan taleyi, qismət və həqiqətin axtarışı kimi əbədi mövzuları özündə əks etdirir.
Qeyd edək ki, C.Məmmədquluzadə adına Naxçıvan Dövlət Milli Dram Teatrı ötən il də zəngin yaradıcılıq fəaliyyəti ilə yadda qalıb. Belə ki, teatr kollektivi 2025-ci ildə tamaşaçılara 13 yeni tamaşa təqdim edib və bu tamaşalar teatrsevərlər tərəfindən böyük maraqla qarşılanıb.
Teatr rəhbərliyi və yaradıcı kollektivi yeni mövsümdə də tamaşaçılara maraqlı səhnə əsərləri təqdim etməyi, klassik və müasir dramaturgiyanın ən yaxşı nümunələrini səhnədə canlandırmağı qarşıya məqsəd qoyub.