Naxçıvan şəhəri, AZ 7000, Heydər Əliyev prospekti-1.

Xalqımızın incəsənət, mədəniyyət sahəsindəki nailiyyətləri vətənini, millətini sevən hər bir azərbaycanlı üçün iftixar mənbəyidir.

Heydər Əliyev

Mədəniyyət bəşəriyyətin topladığı ən yaxşı nümunələrlə xalqları zənginləşdirir.

Heydər Əliyev

Yüksək mədəniyyətə malik olan xalq həmişə irəli gedəcək, həmişə yaşayacaq, həmişə inkişaf edəcəkdir.

Heydər Əliyev

Azərbaycan mədəniyyəti öz milliliyini saxlayaraq, bu zəmin əsasında klassik mədəniyyət səviyyəsinə gəlib çatmışdır.

Heydər Əliyev

Xalq bir çox xüsusiyyəti ilə tanınır, sayılır və dünya xalqları içərisində fərqlənir. Bu xüsusiyyətlərdən ən yüksəyi, ən böyüyü mədəniyyətdir.

Heydər Əliyev

Mədəniyyəti inkişaf etdirmək milləti inkişaf etdirmək, xalqı sivilizasiyaya qovuşdurmaq, milli ruhu yaşatmaq deməkdir.

Heydər Əliyev

Naxçıvanın böyük və zəngin tarixi vardır. Bu tarixin dünya mədəniyyətinə, bəşər mədəniyyətinə böyük töhfələri olmuşdur.

Heydər Əliyev

Hər bir xalqın mədəni irsi onun milli sərvəti, tarixi və bu günüdür.

Heydər Əliyev

Dövlət Proqramı çərçivəsində Ordubad şəhərində tarixi abidənin dam örtüyü yenilənir

Prezident İlham Əliyevin 2024-cü il 21 fevral tarixdə imzaladığı “Ordubad” Dövlət Tarix-Mədəniyyət Qoruğunun yaradılması haqqında” Sərəncamın icrası davam etdirilir. Həmin Sərəncama uyğun olaraq Nazirlər Kabinetinin 2024-cü il 29 iyun tarixli Qərarı ilə qoruğun sərhədləri, mühafizə zonası və ərazinin xüsusi rejimi təsdiqlənib. Qoruq ərazisində biri dünya, biri ölkə, 218-i isə yerli əhəmiyyətli olmaqla, ümumilikdə, 220 daşınmaz tarix və memarlıq abidəsi mövcuddur. Sərəncamdan irəli gələn vəzifələrə əsasən tarix-mədəniyyət abidələrinin bərpa-konservasiya işləri davam etdirilir. Görülən işlərlə bağlı Naxçıvan Muxtar Respublikası Mədəniyyət Nazirliyinin əməkdaşı Məmməd Hüseynli məlumat verib: “Qoruğun inzibati binası üçün nəzərdə tutulan “Ərbabın iş yeri” tarixi binasının və Sərşəhər meydanında yerləşən Sərşəhər məscidinin bərpası ilə bağlı layihələndirmə işləri artıq aparılıb. Ötən aylarda isə “Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı” çərçivəsində Ordubad şəhərində yerləşən “Ərbabın iş yeri” və ona bitişik tarixi binanın bərpa işlərinə başlanılıb. Hazırda ərazidə tikinti-bərpa işləri davam etdirilir, abidənin dam örtüyü yenilənir”.