Adil Babayev adına Naxçıvan Muxtar Respublikası Uşaq kitabxanası, 2 nömrəli Mədəniyyət Evi və Heyran xanım adına “Zərif qadınlar” Ədəbi məclisinin birgə təşkilatçılığı ilə şairə Məftunə Nurun (Hüseynbəyli) “Dünya nura boyandı” və “Bütün dünya sən yaşayan küçədir” kitablarının təqdimatı keçirilib.
Naxçıvan Muxtar Respublikası Uşaq Kitabxanasında keçirilən təqdimatı giriş sözü ilə kitabxananın direktoru Ruzi Süleymanov açaraq kitabxanalarda uşaq ədəbiyyatının önəmindən bəhs etmişdir.
Daha sonra Naxçıvan Muxtar Respublikasının Yazıçılar Birliyinin sədri Asim Yadigar “Naxçıvan ədəbi mühitində uşaq ədəbiyyatı” mövzusunda çıxış etmiş, filologiya üzrə elmlər doktoru, professor Sədaqət Həsənova, Azərbaycan Yazıçılar və Jurnalistlər Birliyinin üzvü Qafar Qərib, Heyran xanım adına “Zərif qadınlar” Ədəbi Məclisinin üzvü Süsən Kərimli, Naxçıvan Muxtar Respublikasının hakimləri İlqar Mirzəyev, Fərman Abbasov, “Zərif qadınlar” ədəbi məclisinin üzvləri Banu Musayeva, Sona Teymurbəyli, Rəqsanə Tapdıqlı, Sevinc Azadlı, Əzizə Həsənova təqdimatı keçirilən kitablar haqqında fikirlərini bölüşüb.
Sonda müəllif Məftunə Nur çıxış edərək dəyərli fikirlər üçün iştirakçılara minnətdarlığını bildirib.