Naxçıvan şəhəri, AZ 7000, Heydər Əliyev prospekti-1.

Xalqımızın incəsənət, mədəniyyət sahəsindəki nailiyyətləri vətənini, millətini sevən hər bir azərbaycanlı üçün iftixar mənbəyidir.

Heydər Əliyev

Naxçıvan mühiti Şərq mədəniyyətini Qərb mədəniyyəti ilə bağlamaqla, bunun sintezini yaratmaqda böyük rol oynamışdır.

Heydər Əliyev

Mədəniyyət – bəşəriyyətin topladığı ən yaxşı nümunələrlə xalqları zənginləşdirir.

Heydər Əliyev

Yüksək mədəniyyətə malik olan xalq həmişə irəli gedəcək, həmişə inkişaf edəcəkdir.

Heydər Əliyev

Azərbaycan mədəniyyəti öz milliliyini saxlayaraq, bu zəmin əsasında klassik mədəniyyət səviyyəsinə gəlib çatmışdır.

Heydər Əliyev

Xalq bir çox xüsusiyyəti ilə tanınır, sayılır və dünya xalqları içərisində fərqlənir. Bu xüsusiyyətlərdən ən yüksəyi, ən böyüyü mədəniyyətdir.

Heydər Əliyev

Mədəniyyəti inkişaf etdirmək milli ruhu yaşatmaq deməkdir.

Heydər Əliyev

Naxçıvanın böyük və zəngin tarixi vardır. Bu tarixin dünya mədəniyyətinə, bəşər mədəniyyətinə böyük töhfələri olmuşdur.

Heydər Əliyev

Hər bir xalqın mədəni irsi onun milli sərvəti, tarixi və bu günüdür.

Heydər Əliyev

Xalqımızın milli mədəniyyəti bu günümüzə dözümlülüklə çatdırılmışdır. Bu mədəniyyət başqa xalqlara göstərir ki, o içinə qapılmış, özünü dünyadan tədric etmiş xalqın yox, dünyaya açıq bir xalqın mədəniyyəti olmuşdur.

Heydər Əliyev

Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

Heydər Əliyev

Gənclər Təşkilatının üzvləri ilə görüş keçirilib

Sentyabrın 1-də Heydər Əliyev Uşaq-Gənclər Yaradıcılıq Mərkəzində  Naxçıvan Muxtar Respublikası Mədəniyyət Nazirliyinin Gənclər Təşkilatının üzvləri ilə görüş təşkil edilib. Tədbiri giriş sözü ilə açan Mədəniyyət Nazirliyinin Gənclər Təşkilatının sədri Elvin Əhmədov vurğulayıb ki, Azərbaycan gəncliyinin inkişafı, cəmiyyətin bütün sahələrində diqqətçəkən fəaliyyətə başlaması Ümummilli lider Heydər Əliyevin adı ilə bağlıdır. Ulu Öndər tərəfindən əsası qoyulan gənclər siyasəti bu gün Prezident İlham Əliyev tərəfindən  uğurla davam etdirilir. Ölkəmizdə aparılan sağlam,vətənpərvər gənclik yetişdirmək missiyasının nəticəsini biz 44 günlük Vətən müharibəsində gördük. “Dəmir yumruq” ətrafında sıx birləşən Azərbaycan gəncliyi tarixi qəhrəmanlıq nümayiş  etdirib, şanlı zəfərə imza atdı.

Sonra Naxçıvan Şəhər Mədəniyyət İdarəsinin tabeliyində olan 3 №-li Mədəniyyət Evinin əməkdaşı, Gənclər Təşkilatının nəzdində fəaliyyət göstərən Gənclər Birliklərinin sədri Jalə İbrahimova gənclər təşkilatının fəaliyyət istiqamətləri və görülən işlər barədə məlumat verib, gəncləri reallaşan layihələrdə və tədbirlərdə fəal olmağa səsləyib. Bildirilib ki, Mədəniyyət Nazirliyinin Gənclər Təşkilatı Nazirlik nəzdində fəaliyyət göstərən, mədəniyyət, incəsənət və təhsil müəssisələrində çalışan və təhsil alan gəncləri birləşdirən, ictimai əsaslarla fəaliyyət göstərən qurumdur. 2015-ci ildən fəaliyyət göstərən Təşkilat 500-dən çox gənci öz ətrafında birləşdirməyi bacarıb. Gənclər Təşkilatı olaraq bizim məqsədimiz gənclərin asudə vaxtını səmərəli təşkil etmək,  mədəniyyətimizi və mədəni irsimizi gənclərə aşılamaq, təbliğ etmək, onun yaşadılmasını, gələcək nəsillərə çatdırılmasını təmin etməkdir. Mütəmadi olaraq gənclər arasında  musiqili və maarifləndirici tədbirlər, intellektual bilik yarışları, film nümayişləri, ekskursiya və turlar təşkil olunur.

Sonra Naxçıvan Şəhər 3 №-li Mədəniyyət Evinin metodisti, Naxçıvan Dövlət Uşaq Teatrının həvəskar aktrisası Aysu Babayevanın çıxışı dinlənilib.

Sonda Mədəniyyət Nazirliyinin Gənclər Təşkilatının fəaliyyəti ilə bağlı video-çarx nümayiş olunub, gənclərin sualları cavablandırılıb.

Naxçıvan Muxtar Respublikası

Mədəniyyət Nazirliyinin mətbuat xidməti

01.09.2023