“İntellektual kitabxanaçı” adlı bilik müsabiqəsi keçirilib
31 oktyabr tarixində Naxçıvan Muxtar Respublikası Mədəniyyət Nazirliyinin təşkilatçılığı ilə kitabxana əməkdaşları arasında “İntellektual kitabxanaçı” adlı bilik müsabiqəsi keçirilib.
Tədbiri giriş sözü ilə açan Nazirliyin əməkdaşı Aygün Heydərli müsabiqənin keçirilməsində əsas məqsədin kitabxanaçıların kitabxana işi üzrə hazırlıq səviyyəsinin və müasir dünyagörüşünün artırılması, cəld və analitik düşünmə bacarığının inkişaf etdirilməsi, intellektual səviyyələrinin yüksəldilməsi olduğunu vurğulayıb.
İki turdan ibarət olan yarışda ümumilikdə 8 komanda iştirak edib. Final mərhələsində 4 komanda mübarizəni davam etdirib.
Nəticələrə əsasən, Kəngərli Rayon MKS-nin “Xudafərin” komandası I, Culfa Rayon MKS-nin “Zirvə” komandası II, Babək Rayon MKS-nin “Zəfər” komandası isə III yerə layiq görülüb. Qaliblər diplomlarla təltif olunub.