Naxçıvan şəhəri, AZ 7000, Heydər Əliyev prospekti-1.

Xalqımızın incəsənət, mədəniyyət sahəsindəki nailiyyətləri vətənini, millətini sevən hər bir azərbaycanlı üçün iftixar mənbəyidir.

Heydər Əliyev

Naxçıvan mühiti Şərq mədəniyyətini Qərb mədəniyyəti ilə bağlamaqla, bunun sintezini yaratmaqda böyük rol oynamışdır.

Heydər Əliyev

Mədəniyyət – bəşəriyyətin topladığı ən yaxşı nümunələrlə xalqları zənginləşdirir.

Heydər Əliyev

Yüksək mədəniyyətə malik olan xalq həmişə irəli gedəcək, həmişə inkişaf edəcəkdir.

Heydər Əliyev

Azərbaycan mədəniyyəti öz milliliyini saxlayaraq, bu zəmin əsasında klassik mədəniyyət səviyyəsinə gəlib çatmışdır.

Heydər Əliyev

Xalq bir çox xüsusiyyəti ilə tanınır, sayılır və dünya xalqları içərisində fərqlənir. Bu xüsusiyyətlərdən ən yüksəyi, ən böyüyü mədəniyyətdir.

Heydər Əliyev

Mədəniyyəti inkişaf etdirmək milli ruhu yaşatmaq deməkdir.

Heydər Əliyev

Naxçıvanın böyük və zəngin tarixi vardır. Bu tarixin dünya mədəniyyətinə, bəşər mədəniyyətinə böyük töhfələri olmuşdur.

Heydər Əliyev

Hər bir xalqın mədəni irsi onun milli sərvəti, tarixi və bu günüdür.

Heydər Əliyev

Xalqımızın milli mədəniyyəti bu günümüzə dözümlülüklə çatdırılmışdır. Bu mədəniyyət başqa xalqlara göstərir ki, o içinə qapılmış, özünü dünyadan tədric etmiş xalqın yox, dünyaya açıq bir xalqın mədəniyyəti olmuşdur.

Heydər Əliyev

Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

Heydər Əliyev

“Milli dəyərlərimiz folklorumuzda” adlı səhnəciklərin nümayişi müsabiqəsi keçirilib

Mayın 14-də Naxçıvan Muxtar Respublikası Mədəniyyət Nazirliyi və Nazirliyin tabeliyindəki Mədəniyyət üzrə Elmi-Metodik Mərkəzin birgə təşkilatçılığı ilə “Milli dəyərlərimiz folklorumuzda” adlı səhnəciklərin nümayişi müsabiqəsi keçirilib.

Tədbiri giriş sözü ilə açan Naxçıvan Muxtar Respublikası Mədəniyyət Nazirliyinin aparıcı məsləhətçisi Şəfəq Əhmədova bu müsabiqənin xalqımızın əsrlər boyu qoruyub saxladığı milli dəyərlərin yaşadılması və gələcək nəsillərə ötürülməsi baxımından mühüm əhəmiyyət daşıdığını bildirib. Vurğulanıb ki, müsabiqənin məqsədi folklor nümunələrimizi – adət-ənənələrimizi, inanclarımızı, rəvayət və dastanlarımızı səhnə dili ilə canlandırmaqla onların daha təsirli şəkildə təqdim olunmasına nail olmaqdır. Bu isə milli ruhun gücləndirilməsi və yaradıcı potensialın stimullaşdırılması baxımından mühüm rol oynayır.

Müsabiqəyə ümumilikdə 18 səhnəcik təqdim olunub. Onlardan 2-si Naxçıvan şəhəri, 6-sı Babək rayonu, 3-ü Ordubad rayonu, 4-ü Culfa rayonu, 1-i Şahbuz rayonu və 2-si Sədərək rayonu üzrə təqdim edilib. Bu isə muxtar respublikanın müxtəlif bölgələrindən gələn kollektivlərin folklora olan marağının və təşəbbüsə verdikləri dəstəyin göstəricisidir.

Təqdim olunan səhnəciklər 3-20 dəqiqəlik zaman aralığında səhnələşdirilib və kollektivlər xalqımızın həyat tərzini, mentalitetini və folklor ənənələrini tamaşaçılara çatdırmağa çalışıblar. Səhnəciklər peşəkar münsiflər heyəti tərəfindən həm məzmun, həm də səhnə mədəniyyəti baxımından qiymətləndirilib. Münsiflər heyətində sənət, elmi və metodiki sahələr üzrə tanınmış şəxslər yer alıblar.

Qiymətləndirmə nəticəsində aşağıdakı kollektivlər fərqləniblər:

1-ci yer tutan kollektivlər:

Ordubad rayonu: Dırnıs, Unus, Biləv, Tivi, Bist kənd Mədəniyyət Evləri, Pəzməri və Kələki kənd klubları

Culfa rayonu: Kırna kənd Mədəniyyət Evi


2-ci yer tutan kollektivlər:

Naxçıvan şəhəri: 3 nömrəli Mədəniyyət Evi

Babək və Şahbuz rayonları: Mədəniyyət sarayları


3-cü yer tutan kollektivlər:

Naxçıvan şəhəri: Qaraçuq kənd Mədəniyyət Evi

Ordubad rayonu: Düylün, Üstüpü, Aşağı Əndəmic kənd Mədəniyyət Evləri, Yuxarı Əndəmic kənd və Ordubad şəhər klubları

Sədərək rayonu: Dəmirçi kənd Mədəniyyət Evi


Fəxri Fərmanla təltif olunan kollektivlər:

Culfa rayonu: Kırna və Milax kənd Mədəniyyət Evləri

Müsabiqə bir daha sübut etdi ki, milli folklor ənənələrimizin yaşadılması istiqamətində bölgələrdə fəaliyyət göstərən mədəniyyət ocaqları mühüm rol oynayır və bu istiqamətdə atılan addımlar yaradıcı təşəbbüsləri stimullaşdırır.