Naxçıvan şəhəri, AZ 7000, Heydər Əliyev prospekti-1.

Xalqımızın incəsənət, mədəniyyət sahəsindəki nailiyyətləri vətənini, millətini sevən hər bir azərbaycanlı üçün iftixar mənbəyidir.

Heydər Əliyev

Naxçıvan mühiti Şərq mədəniyyətini Qərb mədəniyyəti ilə bağlamaqla, bunun sintezini yaratmaqda böyük rol oynamışdır.

Heydər Əliyev

Mədəniyyət – bəşəriyyətin topladığı ən yaxşı nümunələrlə xalqları zənginləşdirir.

Heydər Əliyev

Yüksək mədəniyyətə malik olan xalq həmişə irəli gedəcək, həmişə inkişaf edəcəkdir.

Heydər Əliyev

Azərbaycan mədəniyyəti öz milliliyini saxlayaraq, bu zəmin əsasında klassik mədəniyyət səviyyəsinə gəlib çatmışdır.

Heydər Əliyev

Xalq bir çox xüsusiyyəti ilə tanınır, sayılır və dünya xalqları içərisində fərqlənir. Bu xüsusiyyətlərdən ən yüksəyi, ən böyüyü mədəniyyətdir.

Heydər Əliyev

Mədəniyyəti inkişaf etdirmək milli ruhu yaşatmaq deməkdir.

Heydər Əliyev

Naxçıvanın böyük və zəngin tarixi vardır. Bu tarixin dünya mədəniyyətinə, bəşər mədəniyyətinə böyük töhfələri olmuşdur.

Heydər Əliyev

Hər bir xalqın mədəni irsi onun milli sərvəti, tarixi və bu günüdür.

Heydər Əliyev

Xalqımızın milli mədəniyyəti bu günümüzə dözümlülüklə çatdırılmışdır. Bu mədəniyyət başqa xalqlara göstərir ki, o içinə qapılmış, özünü dünyadan tədric etmiş xalqın yox, dünyaya açıq bir xalqın mədəniyyəti olmuşdur.

Heydər Əliyev

Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

Heydər Əliyev

"Milli hərb tariximizin novator sərkərdəsi - Cəmşid Naxçıvanski" mövzusunda tədbir keçirilib.

General-mayor Cəmşid Naxçıvanskinin anadan olmasının 129-cu ildönümü ilə əlaqədar Cəmşid Naxçıvanski Muzeyində tədbir keçirilib. Tədbiri giriş sözü ilə açan muzeyin direktoru Abasət Nuriyev naxçıvanskilər irsinə dövlət qayğısından danışaraq bildirib ki, Cəmşid Naxçıvanskinin xatirəsinin əbədiləşdirilməsində və muzeyinin yaradılmasında Ümummilli lider Heydər Əliyevin əvəzsiz xidmətləri olmuşdur.

Qeyd olunmuşdur ki, ölkəmizdə Cəmşid Naxçıvanski irsi xüsusi dövlət qayğısı ilə əhatə olunmaqdadır. Azərbaycan Respublikasının Prezidenti cənab İlham Əliyevin imzaladığı “Cəmşid Naxçıvanskinin 120 illik yubileyinin keçirilməsi haqqında” 2 aprel 2015-ci il tarixli Sərəncamı, Cəmşid Naxçıvanski Muzeyinin əsaslı təmiri və bərpası Cəmşid Naxçıvaski irsinə dövlət qayğısının bariz nümunəsidir.
Daha sonra direktor "Milli hərb tariximizin novator sərkərdəsi - Cəmşid Naxçıvanski" mövzusunda çıxış edərək Sərkərdənin uşaqlıq və gənclik illərindən, keçdiyi şərəfli döyüş yolundan və hərbi-pedaqoji fəaliyyətindən ətraflı bəhs etmişdir. Qeyd olunmuşdur ki, Cəmşid xan 43 ilik ömrünün 26 ilini hərb sənətinə sərf edərək sıravi əsgərdən general rütbəsinədək yüksəlmişdir.
Muzeyin baş fond mühafizi-elmi işçisi Gülnaz Hüseynova “Naxçıvanskilər irsinin təbliğində Cəmşid Naxçıvanski Muzeyinin rolu” mövzusunda çıxış edərək söyləmişdir ki, Cəmşid Naxçıvanski məktəbi yeni gələn nəsillərə vətənpərvərlik təlimi aşılayır.

Tədbirin sonunda muzeyin ekspozisiyasına baxış keçirilmişdir.