
Naxçıvan Muxtar Respublikası Mədəniyyət Nazirliyinin tabeliyində olan muzeylərin əməkdaşları Milli Azərbaycan Tarix Muzeyi, Azərbaycan Milli Xalça Muzeyi, Azərbaycan Milli İncəsənət Muzeyində təlim keçiblər. Təlimin məqsədi əməkdaşların peşə biliklərinin artırılması, muzeylərin fondunda uçot- mühafizə işinin daha da təkmilləşdirilməsindən ibarətdir. Muzey əməkdaşları Milli Azərbaycan Muzeyinin direktoru akademik Nailə Vəlixanlı, Azərbaycan Milli Xalça Muzeyinin direktoru sənətşünaslıq üzrə fəlsəfə doktoru Əminə Məlikova ilə görüşüblər. Muzey əməkdaşları fondlarda muzey əşyalarının saxlanma qaydaları, muzeylərin bərpa emalatxanalarının iş prinsipləri ilə yaxından tanış olublar. 3 gün davam edəcək təcrübədə 10 nəfər muzey əməkdaşı iştirak edir.