Naxçıvan şəhəri, AZ 7000, Heydər Əliyev prospekti-1.

Xalqımızın incəsənət, mədəniyyət sahəsindəki nailiyyətləri vətənini, millətini sevən hər bir azərbaycanlı üçün iftixar mənbəyidir.

Heydər Əliyev

Naxçıvan mühiti Şərq mədəniyyətini Qərb mədəniyyəti ilə bağlamaqla, bunun sintezini yaratmaqda böyük rol oynamışdır.

Heydər Əliyev

Mədəniyyət – bəşəriyyətin topladığı ən yaxşı nümunələrlə xalqları zənginləşdirir.

Heydər Əliyev

Yüksək mədəniyyətə malik olan xalq həmişə irəli gedəcək, həmişə inkişaf edəcəkdir.

Heydər Əliyev

Azərbaycan mədəniyyəti öz milliliyini saxlayaraq, bu zəmin əsasında klassik mədəniyyət səviyyəsinə gəlib çatmışdır.

Heydər Əliyev

Xalq bir çox xüsusiyyəti ilə tanınır, sayılır və dünya xalqları içərisində fərqlənir. Bu xüsusiyyətlərdən ən yüksəyi, ən böyüyü mədəniyyətdir.

Heydər Əliyev

Mədəniyyəti inkişaf etdirmək milli ruhu yaşatmaq deməkdir.

Heydər Əliyev

Naxçıvanın böyük və zəngin tarixi vardır. Bu tarixin dünya mədəniyyətinə, bəşər mədəniyyətinə böyük töhfələri olmuşdur.

Heydər Əliyev

Hər bir xalqın mədəni irsi onun milli sərvəti, tarixi və bu günüdür.

Heydər Əliyev

Xalqımızın milli mədəniyyəti bu günümüzə dözümlülüklə çatdırılmışdır. Bu mədəniyyət başqa xalqlara göstərir ki, o içinə qapılmış, özünü dünyadan tədric etmiş xalqın yox, dünyaya açıq bir xalqın mədəniyyəti olmuşdur.

Heydər Əliyev

Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

Heydər Əliyev

Naxçıvan Dövlət Milli Dram Teatrı "Bölgə teatrlarının Bakı premyerası" layihəsini uğurla başa vurdu

29 oktyabr 2024-cü il tarixində start götürən, Akademik Milli Dram Teatrı, Azərbaycan Respublikası Mədəniyyət Nazirliyi və Azərbaycan Dövlət Televiziyasının dəstəyi ilə reallaşan "Bölgə teatrlarının Bakı premyerası" layihəsinin son qonağı Naxçıvan Dövlət Milli Dram Teatrı oldu.

10 fevral 2025-ci il tarixində Akademik Milli Dram Teatrının səhnəsində çıxış edən Naxçıvan teatrı, rejissor Mir Qabil Əkbərovun quruluş verdiyi Cəlil Məmmədquluzadənin "Ölülər" tragikomediyası ilə tamaşaçılar qarşısına çıxdı. Əsərin uğurlu təqdimatı tamaşaçılar və teatr ictimaiyyəti tərəfindən böyük maraqla qarşılandı.

Layihənin yekununda Naxçıvan Dövlət Milli Dram Teatrı, uğurlu çıxışına görə Akademik Milli Dram Teatrı adından xüsusi diplomla təltif edildi. Bu mükafat, teatrın peşəkarlığını və Azərbaycanın teatr ənənələrinin inkişafına verdiyi töhfəni vurğulayan əlamətdar bir hadisə oldu.

Tamaşanın sonunda çıxış edən Akademik Milli Dram Teatrının bədii rəhbəri, əməkdar incəsənət xadimi Mehriban Ələkbərzadə "Bölgə teatrlarının Bakı premyerası" layihəsinin məqsəd və vəzifələrindən geniş söz açdı. Naxçıvan Dövlət Milli Dram Teatrının direktoru və baş rejissoru Mir Qabil Əkbərova isə bu uğurlu tamaşaya görə xüsusi təşəkkür edərək, gənc rejissorların Azərbaycan teatrının inkişafındakı rolundan danışdı.

"Bölgə teatrlarının Bakı premyerası" layihəsi çərçivəsində Azərbaycanın müxtəlif bölgələrindən teatr kollektivləri Bakıda tamaşalar təqdim edərək paytaxt tamaşaçıları ilə görüşmək imkanı əldə etdilər. Layihə teatr sənətinin regionlarda inkişafına və mədəniyyət mübadiləsinə töhfə vermək məqsədi daşıyırdı.