Naxçıvan Dövlət Uşaq Filarmoniyasının kollektivi və “Buta Naxçıvan” xalq çalğı alətləri ansamblı Şəkidə 1 İyun - Uşaqların Beynəlxalq Müdafiəsi Günü münasibətilə tamaşaçılar qarşısında çıxış edib
Şəki-Zaqatala Regional Mədəniyyət İdarəsinin dəstəyi ilə Şəki şəhərindəki Səməd Vurğun adına Folklor Evində təşkil olunan konsert proqramında kollektivlər milli musiqi və rəqs nümunələri ilə çıxış ediblər. Tədbirdə təqdim olunan musiqi nömrələri, həmçinin ifaçıların səsləndirdiyi vətənpərvərlik ruhlu mahnılar tamaşaçıların marağına səbəb olub.
Qeyd edək ki, Azərbaycanımızın qədim mədəniyyət mərkəzlərindən biri olan Şəkidə təqdim edilən konsert proqramı bölgələr arasında mədəni əməkdaşlığın genişləndirilməsinə, milli-mənəvi dəyərlərin təbliğinə xidmət edib.