Naxçıvan Muxtar Respublikasının Mədəniyyət Nazirliyi “Konstitusiya və Suverenlik İli"nə həsr olunmuş "Vətənpərvərlik mahnıları (marşları) ifaçılığı müsabiqəsi” ELAN EDİR
Müsabiqənin keçirilməsində əsas məqsəd “Konstitusiya və Suverenlik İli" çərçivəsində milli mədəniyyətin və incəsənətin, vətənpərvərlik hissləri aşılayan mahnıların təbliği, ifaçılıq üzrə istedadlı şəxslərin aşkara çıxarılması, peşəkar ifaçıların istedadlarının təbliğ edilməsi və aşkara çıxarılmış ifaçıların yaradıcılıq potensialının düzgün istiqamətləndirilməsidir.
Müsabiqədə iştirak etmək istəyənlər doldurulmuş ərizə-anketini 05 iyun 2025-ci il tarixdən 1 oktyabr 2025-ci il tarixədək Nazirliyin Mədəniyyət, mədəni irs, incəsənət və təhsil müəssisələri ilə iş şöbəsinə təqdim etməli və ya at.informasiya@nculture.gov.az elektron poçtuna göndərməlidir. Şəxsiyyət vəsiqəsinin surəti anketə əlavə olunmalıdır.
MÜSABİQƏNİN ŞƏRTLƏRİ:
- Müsabiqə iki yaş qrupu (12-19 yaş və 20 yaşdan yuxarı) üzrə 1 turdan ibarət olmaqla, 2025-ci ilin noyabr ayında Naxçıvan şəhərində keçiriləcəkdir.
- Yaş həddi müsabiqənin başlandığı gündən hesablanır.
- Müsabiqədə yaş qruplarına uyğun olaraq istedadı olan hər kəs iştirak edə bilər.
- Müsabiqədə ifa edilən mahnı (marş) Azərbaycan bəstəkarlarının əsərlərindən ibarət və vətənpərvərlik mövzusunda olmalıdır.
- Müsabiqədə iştirakçılar fərdi və qrup şəklində çıxış edə bilərlər. Qrup şəklində çıxış edən ifaçılar bir iştirakçı kimi qəbul ediləcək və müsabiqədə fərdi ifaçılar üçün nəzərdə tutulan şərtlər onlara şamil olunacaqdır.
- Müsabiqədə hər bir iştirakçı 2 mahnı ifa etməlidir.
- Müsabiqədə ifalar canlı olmalıdır. Müşayiət canlı və ya minuslardan ibarət ola bilər. Müşayiəti iştirakçının özü təmin etməlidir.
- Müsabiqədə təhsil tələbi yoxdur.
- Müsabiqə iştirakçılarının ifaları Mədəniyyət Nazirliyi tərəfindən müəyyən edilmiş Münsiflər Heyəti tərəfindən 10 ballıq sistem
üzrə gizli səsvermə yolu ilə qiymətləndirililməklə qaliblər və fərqlənənlər müəyyən ediləcəkdir.
- Müsabiqədə hər yaş qrupu üzrə bir I, bir II, bir III yer və həvəsləndirici yerlər müəyyən edilir.
Müsabiqə qalibləri Nazirliyin diplomları və aşağıdakı qaydada
hər iki yaş qrupu üzrə birinci yer – 500 AZN
hər iki yaş qrupu üzrə ikinci yer – 300 AZN
hər iki yaş qrupu üzrə üçüncü yer – 200 AZN
pul mükafatı, fərqlənənlər Nazirliyin fəxri fərmanları ilə təltif ediləcəkdir.
- Müsabiqə qaliblərinin və fərqlənən ifaçıların yekun konserti təşkil ediləcəkdir. Qaliblərin mükafatlandırılması yekun konsertində olacaqdır.
