Naxçıvan şəhəri, AZ 7000, Heydər Əliyev prospekti-1.

Xalqımızın incəsənət, mədəniyyət sahəsindəki nailiyyətləri vətənini, millətini sevən hər bir azərbaycanlı üçün iftixar mənbəyidir.

Heydər Əliyev

Naxçıvan mühiti Şərq mədəniyyətini Qərb mədəniyyəti ilə bağlamaqla, bunun sintezini yaratmaqda böyük rol oynamışdır.

Heydər Əliyev

Mədəniyyət – bəşəriyyətin topladığı ən yaxşı nümunələrlə xalqları zənginləşdirir.

Heydər Əliyev

Yüksək mədəniyyətə malik olan xalq həmişə irəli gedəcək, həmişə inkişaf edəcəkdir.

Heydər Əliyev

Azərbaycan mədəniyyəti öz milliliyini saxlayaraq, bu zəmin əsasında klassik mədəniyyət səviyyəsinə gəlib çatmışdır.

Heydər Əliyev

Xalq bir çox xüsusiyyəti ilə tanınır, sayılır və dünya xalqları içərisində fərqlənir. Bu xüsusiyyətlərdən ən yüksəyi, ən böyüyü mədəniyyətdir.

Heydər Əliyev

Mədəniyyəti inkişaf etdirmək milli ruhu yaşatmaq deməkdir.

Heydər Əliyev

Naxçıvanın böyük və zəngin tarixi vardır. Bu tarixin dünya mədəniyyətinə, bəşər mədəniyyətinə böyük töhfələri olmuşdur.

Heydər Əliyev

Hər bir xalqın mədəni irsi onun milli sərvəti, tarixi və bu günüdür.

Heydər Əliyev

Xalqımızın milli mədəniyyəti bu günümüzə dözümlülüklə çatdırılmışdır. Bu mədəniyyət başqa xalqlara göstərir ki, o içinə qapılmış, özünü dünyadan tədric etmiş xalqın yox, dünyaya açıq bir xalqın mədəniyyəti olmuşdur.

Heydər Əliyev

Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

Heydər Əliyev

Növbəti kitab təqdimatı keçirilib

Məmməd Səid Ordubadi adına Naxçıvan Muxtar Respublika Kitabxanası və Naxçıvan Muxtar Respublikası Yazıçılar Birliyinin birgə təşkilatçılığı ilə Adim Adıgözəlin 2024-cü il dekabr ayının 25-də Bakı-Qroznı reysində qəza nəticəsində həlak olan Azərbaycanın Milli Qəhrəmanı Hökümə Əliyevaya həsr etdiyi “Səma mələyi” adlı kitabının təqdimatı keçirilib.
Tədbir başlamazdan öncə Azərbaycanın suverenliyi uğrunda canlarından keçmiş qəhrəmanların xatirəsi bir dəqiqəlik sükutla yad edilib.
Təqdimatı giriş sözü ilə kitabın müəllifi Adim Adıgözəl açaraq qeyd edib ki, Hökumə Əliyeva yalnız peşəkar bələdçi deyil, həm də Azərbaycan tarixində qəhrəmanlığı və fədakarlığı ilə iz buraxan şəxsiyyətlərdən biridir. Dünya bir həqiqəti dərk etdi ki, Azərbaycan xalqının cəsur oğulları, mərd qızları ən çətin anda belə öz təmkinlərini pozmur, dünyadan köçəndə belə hünər, qeyrət və qəhrəmanlıq simvoluna çevrilir.
Tədbirdə çıxış edənlər bildiriblər ki, təqdimatına toplaşdığımız “Səma mələyi” kitabının müəllifi Adim Adıgözəl dayısı qızı Hökümə Əliyevanın adını əbədiləşdirmək üçün qəhrəman bələdçiyə, Milli Qəhrəmanımıza həsr olunan xatirələri, şeirləri bu kitabda toplayıb. Hər xatirədə, şeirdə Hökümə xanımın qəhrəmanlığı canlanır. O, qəlblərdə yuva quran səma qızıdır, səma mələyidir. Azərbaycan xalqı qədirbilən xalqdı. Öz şəhidini, qəhrəmanını böyük sevgi ilə əzizləyir, onun adını uca tutur. Məlum hadisədən sonra onlarla şair Hökümə Əliyevaya şeirlər həsr etdi, göylər qızını misra-misra əzizlədi, onun qəhrəmanlığını, “Hərşey yaxşı olacaq!” - sözünü milyon-milyon ürəyə həkk etdi.
Sonra şairlər - Alməmməd Eldaroğlu, Qanun Ümman, Zeyqəm Vüqar, Tofiq Qəbul, Məftunə Nur Milli Qəhrəman Hökümə Əliyevaya həsr etdikləri şeirləri qiraət ediblər.
Sonda müəllif “Səma mələyi” adlı kitabını kitabxanaya və digər tədbir iştirakçılarına hədiyyə edib.