“O olmasın, bu olsun” – Dahi bəstəkarın 140 illiyinə həsr olunan möhtəşəm səhnə əsəri
Naxçıvan Dövlət Milli Dram Teatrı və Naxçıvan Dövlət Filarmoniyasının birgə layihəsi əsasında hazırlanmış Üzeyir Hacıbəyovun “O olmasın, bu olsun” musiqili komediyasının ictimai baxışı keçirilib.
Tamaşa dahi bəstəkar, milli musiqi mədəniyyətimizin banisi Üzeyir Hacıbəyovun anadan olmasının 140 illiyinə həsr olunub və 2025-ci ilin ikinci rübündə teatrın təqdim etdiyi əsas səhnə işlərindən biridir. Layihə çərçivəsində Filarmoniyanın orkestr və xor kollektivi də aktyor heyəti ilə birgə çıxış edərək ümumilikdə 61 nəfərlik yaradıcı heyətlə tamaşa ərsəyə gəlib.
Tamaşanın quruluşçu rejissoru – Mir Qabil Əkbərov, quruluşçu rəssamı – əməkdar rəssam Səyyad Bayramov, musiqi rəhbəri və dirijoru – əməkdar artist Elman Əliyev, xormeysteri – İlhamə Şirəliyeva, rejissoru – Naxçıvan Muxtar Respublikasının əməkdar artisti Səməd Canbaxşiyev, məsləhətçi – xalq artisti Rövşən Hüseynov, rejissor assistenti – Leyla Yaqubovadır.
