Naxçıvan şəhəri, AZ 7000, Heydər Əliyev prospekti-1.

Xalqımızın incəsənət, mədəniyyət sahəsindəki nailiyyətləri vətənini, millətini sevən hər bir azərbaycanlı üçün iftixar mənbəyidir.

Heydər Əliyev

Naxçıvan mühiti Şərq mədəniyyətini Qərb mədəniyyəti ilə bağlamaqla, bunun sintezini yaratmaqda böyük rol oynamışdır.

Heydər Əliyev

Mədəniyyət – bəşəriyyətin topladığı ən yaxşı nümunələrlə xalqları zənginləşdirir.

Heydər Əliyev

Yüksək mədəniyyətə malik olan xalq həmişə irəli gedəcək, həmişə inkişaf edəcəkdir.

Heydər Əliyev

Azərbaycan mədəniyyəti öz milliyini saxlayaraq, bu zəmin əsasında klassik mədəniyyət səviyyəsinə gəlib çatmışdır.

Heydər Əliyev

Xalq bir çox xüsusiyyəti ilə tanınır, sayılır və dünya xalqları içərisində fərqlənir. Bu xüsusiyyətlərdən ən yüksəyi, ən böyüyü mədəniyyətdir.

Heydər Əliyev

Mədəniyyəti inkişaf etdirmək milli ruhu yaşatmaq deməkdir.

Heydər Əliyev

Naxçıvanın böyük və zəngin tarixi vardır. Bu tarixin dünya mədəniyyətinə, bəşər mədəniyyətinə böyük töhfələri olmuşdur.

Heydər Əliyev

Hər bir xalqın mədəni irsi onun milli sərvəti, tarixi və bu günüdür.

Heydər Əliyev

Xalqımızın milli mədəniyyəti bu günümüzə dözümlülüklə çatdırılmışdır. Bu mədəniyyət başqa xalqlara göstərir ki, o içinə qapılmış, özünü dünyadan tədric etmiş xalqın yox, dünyaya açıq bir xalqın mədəniyyəti olmuşdur.

Heydər Əliyev

Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

Heydər Əliyev

Səlahiyyətli nümayəndə Cəhri qəsəbəsində sakinlərlə görüşüb

Avqustun 2-də Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli Babək rayonunun Cəhri qəsəbəsində olub, sakinlərlə görüşüb.

Görüşdə səlahiyyətli nümayəndə “Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı” barədə məlumat verib, həyata keçiriləcək sosial-iqtisadi layihələri, o cümlədən kənd təsərrüfatının inkişafı istiqamətində görüləcək işləri diqqətə çatdırıb.

Görüş zamanı 47 sakinin hər birinin ayrı-ayrılıqda müraciət və problemləri dinlənilib. Bütün müraciətlər protokallaşdırılaraq onların həlli istiqamətində müvafiq tədbirlər görüləcək.

Qeyd edilib ki, hazırda qəsəbədə yollar yenidən qurulur, içməli su mənbələrindən yeni xətlər çəkilir, abadlaşdırma işləri görülür. Sakinlərin üzləşdiyi digər problemlər də aidiyyəti dövlət qurumları ilə birlikdə araşdırılıb qanunvericilik çərçivəsində həll olunacaq.

Qeyd edək ki, Cəhri qəsəbəsini Gülşənabad, Payız, Aşağı Buzqov, Yuxarı Buzqov və Gərməçataq kəndləri ilə  birləşdirən qəsəbənin əsas avtomobil yolunda yenidənqurma işləri davam etdirilir, yeni asfalt örtüyü verilir. 2 zolaqdan ibarət olan əsas yolla yanaşı, ətraf məhəllələr də abadlaşdırılır, yollar asfaltlanır. Görüş zamanı sakinlər görülən işlərə görə dövlətimizin başçısına minnətdarlıqlarını ifadə ediblər.