Naxçıvan Muxtar Respublikası Mədəniyyət Nazirliyi tərəfindən Naxçıvanın zəngin tarixi-mədəni irsinin daha geniş şəkildə təbliği, tarixi-mədəni abidələrin əhəmiyyətinin ictimaiyyətə çatdırılması və bu irs nümunələri haqqında ətraflı məlumatların ziyarətçilər üçün əlçatanlığının təmin edilməsi istiqamətində müvafiq tədbirlər həyata keçiriləcək.
Bu məqsədlə tarixi-mədəni abidələrin yerləşdiyi ərazilərdə xüsusi məlumat lövhələrinin quraşdırılması nəzərdə tutulur.
Məlumat lövhələrində abidələrin tarixi, yaranma dövrü, memarlıq xüsusiyyətləri və mədəni əhəmiyyəti barədə məlumatların əks etdirilməsi planlaşdırılır.
Həyata keçiriləcək bu tədbir həm yerli əhalinin, həm də Naxçıvana səfər edən yerli və xarici turistlərin tarixi-mədəni irs nümunələri haqqında daha ətraflı məlumat əldə etməsinə imkan yaradacaq.
Eyni zamanda, abidələrin tanıdılması və onların qorunmasına ictimai marağın artırılmasına mühüm töhfə verəcək.