Ümummilli Lider Heydər Əliyevin anadan olmasının 103-cü ildönümünə həsr olunmuş Naxçıvan Muxtar Respublikasında fəaliyyət göstərən uşaq musiqi və incəsənət məktəblərinin şagirdləri arasında Muxtar Respublika Müsabiqəsinin əsas turuna start verilib
Müsabiqə üçün qeydiyyatdan keçən 304 namizəddən 200 nəfəri əsas turda iştirak hüququ qazanıb.
Müsabiqənin sözügedən mərhələsi 20-24 aprel tarixləri arasında keçiriləcək.
Əsas turdan müvəffəqiyyətlə keçən şagirdlər müsabiqənin yekun turuna vəsiqə qazanacaq.
Qeyd edək ki, yekun turun 28 aprel – 1 may tarixlərində keçirilməsi nəzərdə tutulur.
Müsabiqənin əsas məqsədi Naxçıvan Muxtar Respublikasında fəaliyyət göstərən uşaq musiqi və incəsənət məktəblərində təhsil alan şagirdlərin yaradıcılıq qabiliyyətlərinin aşkarlanması, həmçinin fərdi musiqi bazasının daha da artırılmasıdır.
Xatırladaq ki, müsabiqə Naxçıvan Muxtar Respublikasının Mədəniyyət Nazirliyinin təşkilatçılığı ilə keçirilir.