Sentyabrın 25-də Xatirə Muzeyində 27 Sentyabr – Anım Günü münasibətilə “Qəhrəmanlıq salnaməsinin əbədi səhifələri” adlı tədbir keçirilib.
Şəhid ailələri, qazilər və muzey əməkdaşlarının iştirak etdiyi tədbir ölkəmizin müstəqilliyi, ərazi bütövlüyü və suverenliyi uğrunda canlarından keçmiş şəhidlərin əziz xatirəsinin bir dəqiqəlik sükutla yad edilməsi ilə başlayıb.
Muzeyin direktoru Aytən Qasımova, Naxçıvan Şəhər İcra Hakimiyyətinin əməkdaşı İsmayıl Gülməmmədov, Naxçıvan Muxtar Respublikası Ali Məclisinin deputatı, şəhid Emin Sadiqovun anası Gülşad Rüstəmova çıxışlarında şəhidlərin keçdiyi şərəfli döyüş yolundan, Vətən uğrunda göstərdikləri misilsiz fədakarlıqdan və Zəfər tariximizin əhəmiyyətindən danışıblar.
Qazilər Vətən müharibəsi ilə bağlı xatirələrini bölüşərək döyüşlər zamanı göstərilən şücaətlərdən bəhs ediblər. Bildirilib ki, qəhrəman şəhidlərimizin əziz xatirəsi daim ehtiramla yad ediləcək, onların Vətən uğrunda göstərdikləri fədakarlıq gənc nəslin vətənpərvərlik ruhunda tərbiyəsində nümunə olacaq.
Sonda tədbir iştirakçıları Xatirə Muzeyinin ekspozisiyası ilə tanış olub, xatirə fotosu çəkdiriblər.
.jpeg)